今日有十場沙、草地賽事上演，參戰馬數量唔算太多，草地跑道狀況宜臨場留意。小妹今日揀了三匹近期表現穩定嘅賽駒畀大家參考，希望可以順利過關，啱心水可以跟進。
第一場六班一〇五〇米，「勇勝飛」質新分子經過一輪適應，近期陣上演出漸入佳境。上仗在草地短途直領到底，全程走勢輕鬆，勝來猶有餘勁。今日匆匆再戰，返回季內曾入位的沙地短途角逐，性能亦合發揮，續由約尼斯執韁人馬鬥志十足，對手實力平庸，起步順利有力爭取連捷，可放心追捧。
第七場四、五班千二米，「白龍駒」呢匹五歲馬近期陣上表現穩定，上仗越程出擊雖然未能進佔三甲，不過表現甚具水準，跑回一席殿軍已有交代。晨課有正常操練，狀態甚佳。今日返回季內取得兩勝兩位的路程上陣，戰鬥力增強不少，重投高君濤胯下人馬合拍，場地若偏慢亦影響不大，跟前鬥後可望贏馬而回，值得捧場。
第十場六班千五米，「軍事強人」呢匹老馬過往擅長在沙地角逐，不過今季性能有所轉變，季內在草地同程取得兩亞一季，表現極具威脅。上仗在沙地中距離雖敗但所負不遠，今日匆匆再上征途，出爭六班賽事形勢佔優，返回草地角逐必把握爭功機會，重配余健雄人馬合拍，留放得宜可望贏回一仗交代。