今日有九場草、沙地賽事上演，參戰馬數量未算太多，形勢仍相當混亂，揀馬要小心推敲。小妹今日揀咗三匹狀態甚勇嘅參賽馬畀大家參考，合心水可玩吓過關。
第二場四、五班千八米，「天山情」質新分子去季尾在草地中距離贏馬開齋，表現清脆俐落。此駒今季成熟程度更佳，早前在同程採取留前鬥後跑法贏馬，末段衝刺凌厲。而上仗在中距離上一直處於不利位置，結果在最後一百米衝上跑回一席第四，走勢悅目。今日返回贏馬路程上陣腳法合適，加強攻力用馬雅操刀必拼無疑，對手不多可望贏馬而回，值得支持。
第三場四班千五米，「盛通靚馬」四歲馬來澳前拼搏不多，曾經在中距離賽事取得勝仗。此駒季內上陣先以短途賽事作熱身，之後轉戰中距離即交出好表現，顯然是一匹擅長中距離角逐的馬匹。上仗同程以頸位之微飲恨得亞軍，復課操練正常，狀態甚佳。今戰改由馬雅執韁決心攻堅，出爭首本路程擺明車馬，捲土重來可望贏馬補中，可放心跟進。
第六場六班千八米，「聯安情懷」呢匹三歲馬潛質不弱，季內經過幾仗熱身後，去年年底便在中距離賽事上贏馬，表現大有進步。上仗角逐同程前中段處於較後位置，雖然直路上衝刺甚勁，但可惜飲恨只跑得第四。復課重新備戰，試跑走勢上力，狀態突出。今日續由高君濤壓陣再爭同程，試準而來鬥志不用懷疑，留前鬥後可望贏馬收復失地，值得追捧多次。