(特寫)問責?你提出,我哋調查

227

  本輪新冠疫情拖延1個多月始結束,昨在立法會行政長官答問大會上,有議員斥責政府是次控疫工作強差人意,要求問責。行政長官賀一誠回應時坦言,任何大疫情之下一定有不足的地方,最重要是對不足之處作出檢討糾正。他更認為實施「相對靜止」「講就容易」,呼籲議員實事求是。

  會上,議員林宇滔直斥,特區政府今波「6.18」疫情的控疫結果可謂強差人意,包括錯過疫情頭3周控疫黃金期才實施「相對靜止」措施、紅碼區管理及核檢安排混亂,以及巴黎人醫觀酒店閉環大量員工確診導致完成隔離人士感染並返回社區等。他又砲轟政府沒有按之前對外公布的《應對大規模新冠肺炎疫情的應急處置預案》進行控疫工作,以「動態研判」為由,不斷自創「相對靜止」、「清零期」、「鞏固期」、「穩定期」等新字眼和標準,做法令整體控疫成效大打折扣,也讓社會難以配合、無所適從,更令控疫清零時間拖長至40多天,然而至今未見當局會作全面檢討、調查、總結和問責。

  相對靜止上報國家屬正確用詞

  面對議員的狠批,賀一誠回應指出:「你話問責,任何大疫情之下,一定有不足嘅地方」。他指7月19日在民防中心的會議上已說過查找不足,對不足之處進行糾正,「我哋(政府)無講過(抗疫)取得完美成功,又或者取得咩好成績!」

  他強調,當局有遵守國家《新型冠狀病毒肺炎防控方案(第九版)》,但亦有所變化,而本澳所訂出的「相對靜止」、「清零期」、「鞏固期」、「穩定期」等字眼和標準,都有上報國家衛健委,是正確用詞,是經內地專家研判,「你同我唔係呢方面嘅專家,而係真正呢方面嘅專家畀到呢方面嘅指引」。

  賀一誠續說,若然要接軌國家新冠防控方案第九版,「高風險結束後要7日加3日先可以進中風險,再要7日加3日先可以進低風險,低風險再7日加3日先進風險地區,再要加多7日加3日先可以通關。我哋而家唔係呀,呀林宇滔議員,因為我哋『一國兩制』,佢哋(國家)認為我哋數據防疫措施可以,我哋8月3號已經開關!」

  重大疫情下有瑕疵會檢討改正

  談到為何不在疫情之初便「靜止」,賀一誠解釋,「如果當時須足不出戶,我哋點做?我哋講就容易,林宇滔議員,你講即刻靜止點樣去做?我哋採樣人員喺邊度?我哋採樣點夠唔夠?」他直言若非珠海支援630名採樣人員,難以長期24小時進行核檢,「要實事求是去做呢啲工作!如果6月19日就即時足不出戶,市民嘅反應係點?我哋唔係冇研判,我哋發一個批示好慎重,若果出一個批示係冇責任,會有好嚴重嘅社會後果!」

  賀一誠最後稱,「你話問責你可以提出,邊個官員做得唔好,邊個局做得唔好,你可以提出,我哋可以進行有關調查,但我認為將心比己,睇到公務員個個都用心用力」,「巴黎人酒店係臨時騰出(作醫觀酒店),工作人員未經詳細培訓,出咗問題係事實,一路會喺工作中糾正」,「佢哋都喺閉環入面,你重話要問責佢哋,咁下次想搵間酒店都好難啦!」他坦言當然想做到一百分,但在重大疫情下,少少的瑕疵希望可在以後改正。

  本報記者