高君濤今晚顯「魅力」

481

  今晚有五場沙地賽事上演,上陣馬數量未算太多,小妹今晚揀選騎師高君濤三匹座騎俾大家參考,啱心水可玩吓過關。

  第一場六班一〇五〇米,「黑色魅力」呢匹四歲馬在上季後期表現漸入佳境,在沙地兩場不同路程賽事上取得上名,亦證明沙地性能不弱。今季復課操練工夫循序漸進,埋門由練馬師親自試跳,姿態輕鬆,翻步靈活,狀態不弱。今晚強配冠軍騎師高君濤而來,搏殺決心昭然若揭,排內檔起步形勢對其有利,出爭沙地短途有根據,對手不多可望先拔頭籌,值得捧場。

  第四場三、四班一三五〇米,「銀城雄星」前港退役馬拼搏不算太多,上季轉來本地發展結果試出彩虹,在沙地賽事上取得三捷,表現脫胎換骨。復課操練正常,試閘走勢輕描淡寫,狀態具作戰水準。今晚出爭三、四班混合賽事形勢不吃虧,雖然要負重磅與對手周旋,但上季亦曾負一百三十磅贏馬,相信負磅方面不會構成障礙,初配高君濤可望擦出火花,不妨贏位兼投。

  第五場四班一〇五〇米,「勝利鴻星」呢匹四歲馬場地性能廣泛,上季出賽次數不少,但拼至季尾始終取得頭馬而回,可見本身實力不弱,現時評分應該仍有上調空間。晨課備戰工夫正常,試閘走勢輕舒腳頭,狀態具贏馬時水準。今仗續由高君濤策騎,人馬合拍,必拼無保留,加上沙地同程表現穩定,交回上季贏馬時水準,可望順利再取一場勝仗,尾場賽事可作為捧場重心。