高君濤三駒係精品

325

  今晚有六場草、沙地賽事舉行,上陣馬數量踴躍,小妹今晚睇好高君濤既座騎,介紹三匹畀大家參考,希望可以順利過關。

  第一場三班千五米草地,「世界精品」呢匹五歲馬成熟程度理想,季內在沙地中距離贏馬開齋,表現有餘未盡。近仗陣上演出雖然未如理想,不過表現唔算太脫節。今晚返回草地上陣性能合適,重配贏馬拍檔高君濤擺明車馬,排一檔起步形勢有利,且留且放可望突圍而出,值得贏位兼投。

  第二場二、三歲馬一〇五〇米沙地,「泰極」呢匹三歲馬上陣次數不少,季內唯一有好表現賽事,便是在同程以輕鬆姿態贏馬,可見場地性能有根據。今晚角逐二、三歲馬條件賽事,形勢方面稍佔優勢,馬房強配高君濤而來,動態夠積極,同場馬中大多成熟程度未足,祇要起步順利,可望一放到底贏馬,可放心捧場。

  第四場三、四班一〇五〇米沙地,「幸運金」沙地性能突出,季內在同程取得兩亞兩季成績,可惜始終與頭馬無緣。晨課操練認真,試跑走勢急勁,狀態甚勇。今晚繼續由高君濤操刀,排最外檔起步形勢與上次相若,負磅減輕下有助其發揮,馬房鬥志鮮明,路合不妨追捧多次。