馬雅座騎「大」「小」通殺

633

  今晚有三場草地及三場沙地賽事舉行,戲碼較為平均,小妹今日揀咗騎師馬雅三匹座騎畀大家參考,啱心水可玩吓過關。

  第二場四班1500米草地,「飛揚群英」呢匹馬唔容易發揮,不過若適當運用佢後追特性,表現就有所驚喜。上仗馬匹全程望空角逐,加上鞍上人發揮過急,在轉彎前發力追趕,結果直路上未能維持勁度。今晚重配馬雅,馬房決心交代,返回中距離角逐腳法合適,跟前鬥後可望收復失地,值得追捧。

  第三場二班1500米草地,「大舊裕」四歲馬尚有進步空間,上仗角逐打吡預賽遇上對手發揮更佳,跑回一席第三已交回水準。復課積極打磨,狀態又進一步。今晚返回二班角逐,形勢唔算吃虧,馬雅唔放手一定有計,路合排檔理想,採取主動跑法對手唔容易追趕,不妨再追一次。

  第五場四五班1050米沙地,「十小精靈」呢系馬大多擅跑沙地,呢隻馬亦唔例外,上仗在短途不敵廄侶得第二,末段追回甚多失地,走勢進步。今仗馬房為求贏馬交代,找來馬雅執韁目標清晰,同場對手不多,交回上仗水準已可收復失地,賠率熱辣辣亦可放心捧場。