靚仔騎師恩利克樹大招峰

1477

  今晚有五場草、沙地賽事上演,上陣馬數量仍算踴躍,小妹今晚揀選靚仔騎師恩利克三匹座騎俾大家參考,希望可以順利過關,啱心水可以跟進。

  第一場六班千五米草地,「婦好將軍」呢匹三歲馬體型單薄,不過陣上表現已開始納入正軌,上仗在長途不敵實力較強對手得第二,表現有進步。復課操練認真,試跑走勢急勁,狀態勇進。今晚繼續交由恩利克搏殺,戰意唔使懷疑,目前評分已調整至有利水平,返回中距離角逐腳法合適,對手實力不強,可望贏馬開齋,值得贏位兼投。

  第三場二班千五米草地,「聯安神將」呢匹六歲馬中短途實力甚強,前仗在同程成為熱門表現未如理想,上仗轉爭短途即後上擊敗對手爆冷贏馬,表現出色。復課積極備戰,狀態更勝贏馬時候。今晚重返中距離角逐腳法合適,原裝人馬再來勝在夠合拍,負磅較上次多兩磅,影響不算太大,留前鬥後可望再下一城,寶尾唔怕追多次。

  第五場三、四班一五一〇米沙地,「樹大招峰」今季上陣次數頻密,十六戰取得兩勝七位成績,表現方面算得上穩定,而且場地適應力強。上仗與高班對手角逐形勢欠佳,加上途中曾受阻收慢,落敗而回不可作準。今戰重返沙地上陣性能合適,落班角逐形勢不同,初由恩利克接手決心打硬仗,馬匹季內在沙地賽事表現準繩,留放得宜可望脫穎而出,尾場賽事不妨作為捧場重心。