開鑼首場捧豪情駿馬

418

  今日新季開鑼,安排了六場沙地賽事上演,上陣馬數量尚算踴躍,形勢混亂下賽果難料,小妹今日睇好三匹沙地表現有根據既馬匹,介紹三匹畀大家參考,啱心水可以玩吓過關。

  第一場六班一五一〇米,「豪情駿馬」呢匹五歲馬成熟程度漸進,上季尾在沙地賽事接二連三交出好表現,可見其場地性能特佳。復課操練正常,狀態方面具作戰水準。今日返回沙地中距離角逐,腳法合適,重投林凱胯下,人馬合拍,跑法機動可隨機應變,對手實力唔算強,不妨贏位兼投。

  第二場四班一三五〇米,「達利年」呢匹馬獨擅沙地賽事,上季集中在沙地賽事上陣,結果取得一冠三亞三季成績,陣上戰鬥力依然旺盛。復操以來例課無缺,狀態保持作戰水準。今仗角逐四班賽事形勢佔優,重配高君濤,人馬夾檔,同場對手實力平平,留前鬥後可望取得跨季孖寶,值得捧場。

  第六場四班一三五〇米,「大魔頭」呢匹四歲馬質素不弱,上季五戰沙地取得三勝兩位,可見其場地性能甚佳。復課操練工夫完整,埋門試跳走勢急勁,狀態回勇。今日初跑此程相信會合腳法,回師四班角逐形勢有利,排四檔起步跑法上應該會較主動,對手實力平平,以質凌人可望順利贏馬,尾場賽事值得捧場。