轟天雷食頭糊靠「運」

388

  今晚有六場草、沙地賽事舉行,戲碼唔算太差,小妹今晚揀選騎師馬雅三匹座騎畀大家參考,可用嚟玩吓過關。

  第一場四班千五米草地,「轟天雷」呢匹五歲馬今季成熟進步,最近兩仗在不同騎師胯下贏馬,而且賠率愈贏愈冷,表現令人刮目相看。復課操練冇偷懶,馬匹試跑走勢夠勁,狀態甚勇。今晚重投馬雅胯下人馬合拍,角逐四班賽事形勢唔吃虧,起步順利留守中間位置,直路可望殺出重圍,值得捧場。

  第二場二、三班千八米草地,「幸運金朝」呢匹馬現時落腳轉慢,中長途屬其最佳出路。此駒季內兩戰拼搏不多,取得一勝一位成績表現準繩。晨課操練認真,試閘走勢雖然較後,但馬匹走來輕鬆,狀態具作戰水準。今晚續由馬雅壓陣,人馬合拍鬥志唔使懷疑,對手實力唔係太強,可望再下一城,不妨支持。

  第六場三、四班一三五〇米沙地,「蒜片辣椒」四歲馬沙地性能較優勝,上仗季內初出在沙地中距離起票搏殺,結果放至埋門始不敵對手得第二,表現絕對唔差。復課操練認真,狀態更勝上仗。今仗強配馬雅而來,搏殺決心昭然若揭,加上呢系馬鬥志高昂,熱身後再來一定搏到盡,尾場賽事不妨作為重心。