賀廄派遣神童做帝皇

1433

  今日續有六場草地賽事舉行,上陣馬數量不少,小妹今日揀咗賀蘭杜夫馬房三匹參戰畀大家參考,啱心水可玩吓過關。

  第二場四、五班千五米,「正義聯盟」呢匹五歲馬季內易主兼更改馬名,經過一輪減分後,前仗在草地中距離大勝對手七個馬位而回,表現令人驚喜。上仗升班角逐跑長途雖然未能再下一城,不過馬匹表現唔算太差,跑回一席第四所負不遠。復課操練正常,狀態仍然勇銳。今日換上高君濤而來,配合馬房今日攻勢,鬥志唔使懷疑,對手實力不強,可望贏馬而回,不妨追捧多次。

  第五場四、五班千五米,「聯安神童」中距離實力不弱,季初在同程贏馬後,一直吼準形勢再作出擊。上仗初配高君濤搏殺,結果採取留前鬥後跑法,末段一衝即奠定勝局,表現猶有餘勁。晨課操練認真,馬匹狀態更勇。今仗原班再戰,負磅較上仗減輕,形勢絕不吃虧,路合檔佳且對手實力不強,交回上仗水準可望順利再捷,可放心捧場。

  第六場四班千二米,「帝皇雄鷹」呢匹六歲馬陣上發揮較為尺寸,季內集中火力在短途賽事發展,前仗在騎者出色留放下險勝對手,末段加速力驚人。上仗升班角逐被捧成熱門,不過前中段始終較為落後,最後雖然交出凌厲後勁,但祇能跑回一席第四。今日操好再上征途,續由恩利克策騎人馬合拍,祇要前中段唔好太落後,以其後勁可望在末段反先,退熱後可留意多次。