聖靈之都手執盃耳

458

  今日馬季煞科戰安排六場草地黃昏賽事,戲碼緊湊形勢平均,場地實際情況要留意。小妹今日揀咗三匹心水,希望可以順利過關。

  第一場二、三班千五米,「超群出眾」呢匹四歲馬實力不弱,上仗在同程不敵另一質新強手得第二,表現交回水準。復課積極打磨,狀態再進一步。今日試準再來,續由查維斯操刀人馬夠合拍,此系馬向來鬥志鮮明,對手實力雖強,但拼盡可望贏馬開齋,值得追捧。

  第二場一級賽千八米,「聖靈之都」呢匹明日之星質素甚高,上仗角逐打吡大賽雖然排最外檔起步,不過鞍上人何華麟發揮出色,起步後迅速將座騎移入內欄競逐,結果以輕鬆姿態報捷,表現精彩。晨課備戰功夫冇偷懶,馬匹狀態勇達巔峰。今日出爭贏馬途程有根據,排檔較上仗理想得多,只要交回應有水準,相信季內最後一場本地分級賽頭馬,應是此駒囊中物,可放心捧場。

  第六場五、六班千二米,「東方盈悅」呢匹三歲馬台型甚佳,上仗初出角逐沙地短途,結果力拼下得第二,表現惹人好感。復課積極操練,狀態甚勇。今日轉爭草地短途相信性能會合適,排一檔起步對呢類新馬發揮會有幫助,查維斯難得有實力馬發揮,一定加多兩錢肉緊爭取好成績,今季最後一場賽事,一於追捧此匹質新馬作投注重心,千祈唔好錯過。