浩勝系配高君濤「大」搏殺

3774

今晚有五場沙地賽事上演,上陣馬數量尚算踴躍,小妹今晚揀選騎師高君濤三匹座騎畀大家參考,希望可以順利過關,啱心水可以跟進。
第三場三班一〇五〇米,「浩勝奔馳」呢匹三歲馬沙地性能特佳,最近四戰同程取得兩勝兩位佳績,表現準繩可靠。晨課積極打磨,試跑走勢悅目,狀態大勇。今晚角逐三班首本路程賽事,形勢佔上風,排二檔起步對其發揮如虎添翼,信賴騎練鬥志鮮明,起步順利可望取得季內第三場勝仗,值得捧場。
第四場二班一五一〇米,「浩勝駿爵」質新分子進步空間不少,上仗人馬首度合作,結果以輕鬆姿態贏馬,過程完全未受考驗。復課操練認真,試跑走勢急勁,狀態甚勇。今仗雖然升班與強手對壘,不過呢匹馬陣上跑法靈活,重返中距離相信會更合腳法,高君濤選騎一定有理由,出馬不多場合,可望繼續交出好表現,不妨贏位兼投。
第五場三、四班一三五〇米,「大魔頭」呢匹馬沙地性能優越,季內連番在不同路程發展,表現保持一定水準。上仗配上高君濤搏殺,騎者起步後即採取主動跑法,結果馬匹愈走愈順下贏馬,表現有餘未盡。晨課保持正常操練,狀態方面完全沒有問題。今晚角逐三、四班混合賽形勢唔算蝕底,騎者唔放手一定盡拼,起步帶出可望再交出好表現,尾場可放心捧場。