浩勝奔馳三捷可期

896

  今晚有五場沙地賽事上演,上陣馬數量仍算踴躍,小妹今晚揀選三匹勇馬畀大家參考,雖然賠率熱辣辣,但順利過關都有唔錯收穫,啱心水可以跟進。

  第二場四班一〇五〇米,「大魔頭」呢匹四歲馬沙地性能特佳,不過今季馬房讓此駒向較長路程發展,雖然未能取得勝仗,但演出其實並不太差。復課準備工夫未有放鬆,馬匹試跑走勢順暢,狀態出色。今晚重返短途發展,強配高君濤而來決心攻堅,季內未贏馬交代鬥志唔使懷疑,值得追捧多次。

  第三場一、二班一〇五〇米,「金槍霸」沙地短途新星,上仗季內初出在同程以輕鬆姿態報捷,取得在澳第八場勝仗,表現無懈可擊。晨課操練積極,試閘走勢勁如炮彈,狀態大勇。今晚小休復出體力回復,馬房專心部署角逐首本路程,決心相當明顯,對手多是蹄下敗將,起步帶出可望順利再贏,屬全晚馬膽所在。

  第四場三班一〇五〇米,「浩勝奔馳」呢匹三歲馬潛質豐厚,去季在沙地同程取得兩勝一位,今季初雖然表現平平,不過最近演出重回正軌,一連兩仗在同程贏得輕鬆,可見評分尚未見底。晨課操練正常,試跑走勢急勁,狀態甚佳。今晚角逐三班賽事形勢絕不吃虧,高君濤壓陣人馬合拍,起步順利有望取得三連勝,不妨留意。