沙戰馮耀正做強人

491

  今晚有五場草、沙地賽事上演,上陣馬數量未算踴躍,小妹今晚揀選馮耀正馬房三匹沙地參賽馬畀大家參考,希望可以順利過關,啱心水可以跟進。

  第二場三、四班一三五〇米,「力奇神箭」質新分子早熟擅戰,季內三戰取得兩冠一亞,陣上表現主動兼步幅闊大,相信現時評分尚有不少上升空間。上仗原出爭草地短途,不過因騎師受傷而臨場沒有合適人選替換,故祇有退出比賽。晨課重新打磨,試閘走勢勁力十足,狀態突出。今晚重返沙地性能更合發揮,余健雄熟手操刀,可望順利放出再贏一仗,值得追捧。

  第三場二班一〇五〇米,「卓人勇」呢匹六歲馬沙地性能獨沽一味,今季上陣次數唔多,五戰取得一亞兩殿,整體表現其實唔係太差。上仗與高班短途馬角逐,最後追回一席第四,末段衝刺不弱。復課操練認真,試跑走勢急勁,狀態出色。今晚換上蔡義武執韁,賠率應該火燒都唔會熱,角逐首本路程不拼何待,馬房三駒上陣各為其主,值得贏位兼投。

  第四場三班一五一〇米,「軍事強人」五歲馬成熟程度理想,來澳後已迅速適應水土,初出一仗在沙地一三五〇米取得第二,表現出色。上仗成為兩倍大熱門,力拼下跑回一席第三,表現唔算太差。晨課積極打磨,狀態有進。今仗配上高君濤決心打硬仗,戰意唔使懷疑,中距離正合此駒腳法,配合馬房今晚攻勢,值得捧場。