江山駿杰三捷可期

201

  今日有六場沙地賽事上演,上陣馬數量唔算太少,小妹今日睇好三匹勇馬,介紹畀大家參考,希望可以有所收穫。

  第一場未勝出馬一三五0米,「烈火戰駒」呢匹四歲馬來澳前在外地跑過兩次,取得一席第二。來澳後操練時間唔短,近期上陣兩次雖然未能贏馬,但表現絕對不差,相信離贏馬日子不遠。今日轉爭沙地,相信馬房部署亦心中有數,續由恩利克策騎夠合拍,加上呢件綵衣鬥志鮮明,處女馬場合可望先拔頭籌,值得追捧。

  第三場二、三班一五一0米,「江山駿杰」質新分子馬房當佢如珠如寶,亦視為今季出戰一系高獎金四歲馬賽事既重要籌碼。最近兩仗在草地中距離及長途賽事均輕鬆擊敗對手,可見其實力甚強。晨課積極打磨,試跑走勢出色。今日轉爭沙地中距離腳法合適,馬雅接手策騎一定唔會留手,跟前鬥後可望將對手一網打盡,不妨重視。

  第五場四班一0五0米,「聯誠歡聲」呢匹四歲馬沙地性能特佳,去季在同程便取得兩冠兩亞佳績,短途實力有根據。上仗季內初出在草地短途放入一席第三,走勢惹人好感。復課操練認真,狀態更勝上仗。今日返回首本路程上陣,戰鬥力有增無減,見習騎師張志立策騎駕輕就熟,負磅減輕有助發揮,排三檔起步可望直領到底,值得捧吓場。