馮耀正馬房戰駒「悍勇」

473

  今晚有六場沙地賽事上演,形勢較為平均,小妹揀咗三匹馮耀正馬房嘅參戰馬畀大家參考,啱心水可捧場支持。

  第二場三四班一〇五〇米,「卓人勇」質新分子沙地性能甚佳,上仗搏殺惜不敵廄侶得第二,表現交回水準。復課打磨積極,試跑走勢夠晒勁,狀態突出。今戰角逐首本路程擺明車馬,馬房爭標路上不容有失,一定會把握機會爭取勝仗拋離對手,史偉恩放假回來亦餓馬已久,人馬合拍必打身價波,可放心捧場。

   第五場四五班一〇五〇米,「十小精靈」呢匹四歲馬台型唔差,來澳後以沙地短途演出最為穩定。上仗搏殺有心,惜前段走勢較為落後,末段雖然衝刺凌厲,惜為時已晚祇能跑回一席第三。復課積極備戰,狀態繼續向好,今晚重配馬雅人馬合拍,負磅較上次減輕,祇要前中段能跟守在中間位置,直路上可望反先收復失地,不妨再追多次。

  第六場四班一三五〇米,「悍勇駿駒」呢匹三歲馬季初在同程一出即勝,表現大把在手,不過之後始終未能再增添頭馬,而上仗搏殺失手得第二,賽後隨即轉投馮廄。晨課操練認真,馬匹狀態與上仗相若。今晚繼續用馬雅策騎,人馬合拍一定搏盡,馬房難得有呢匹實力馬加盟,一定希望能盡早交代,路有專長可望順利補中,值得追捧。