馬雅今晚座騎實力「強勁」

196


  
今晚有六場草地賽事舉行,上陣馬尚算踴躍,小妹今日揀咗馬雅三匹座騎畀大家參考,啱心水可以跟進。

  第一場二、三歲馬千二米,「高而靜」三歲馬台型唔差,近兩仗雖然在沙地短途以輕鬆走勢贏馬,但回師草地仍具惡氣。晨課一直操練正常,狀態仍有贏馬時水準。今晚角逐二、三歲新馬賽事,負磅較上次多兩磅,形勢佔到優勢,馬雅上次賽馬日冇頭馬進帳,今晚胯下實力座騎唔少,呢匹馬可望替其先拔頭籌,值得追捧。

  第二場四、五班千五米,「珍珠強勁」呢匹質新分子季內愈跑愈進步,上仗在同程搏殺有心,惜直路出頭後不敵後上走勢強勁的對手,跑回一席第二已不俗。復課積極操練,馬匹狀態出色。今晚挑戰四、五班混合賽,負磅減輕對呢匹體重不足一千磅的馬發揮有幫助,馬雅鍥而不捨一定想搏贏為止,加上呢件綵衣鬥志旺盛,賠率熱辣辣都唔使擔心,可贏位兼投。

  第六場四班千二米,「天域翱翔」呢匹三歲馬前速夠快,最近轉向草地短途發展,效果較預期理想,雖然兩次均以短距離險勝對手,但馬匹走勢明顯有進,耐力較之前大有改善。晨課馬匹操練工夫完整,狀態更勝贏馬時候。今晚角逐四班首本路程賽事,形勢絕不吃虧,馬房爭逐冠軍絕不手軟,操足再來可望替馬房增添進帳,可放心支持。