江河叁寶輕「易」食尾糊

500

  今日有四場草地及兩場沙地賽事舉行,戲碼較為平均,小妹今日揀咗三匹心水馬畀大家參考,啱心水可玩吓過關。

  第二場三四班千二米,「聯安之鷹」三歲馬款頭十足,上陣兩次均以玩敵姿態贏馬,過程完全未受考驗。賽前馬房再安排此駒試閘,結果全程按韁下仍輕取對手,狀態大勇。今日角逐三四班首本路程,環顧同場對手實力與其仍有距離,祇要起步順利,相信再勝機會甚高,賠率熱辣辣仍可放心捧場。

  第四場一二班千二米,「太容易」跑法向來主動,不過隨着馬齡增長,陣上亦能交出後追走勢。晨課準備工夫認真,早前已交由冼文諾過檔操練,試閘走勢順暢,表現吸引。今日角逐首本路程,馬房扳大頭擺明要贏馬交代,遇上一群實力唔算太強對手,祇要發揮正常,相信坐亞望冠機會甚大,騎練鬥志十足,贏位兼投可望有所收穫。

  第六場四班一〇五〇米,「江河叁寶」呢匹馬沙地性能甚佳,上次在澳第三次上陣,結果以輕鬆走勢大勝對手而回,表現大把在手。復課馬匹準備工夫冇偷懶,試跑隻馬走勢急勁有力,狀態大勇。今日出戰首本路程,雖然配搭上換上余健雄,但此系馬騎者向來有合作,故此鬥志唔使擔心,形勢有利可望再下一城。