梁國浩今日陣容「強勁」

439

  今日繼續有六場草地賽事上演,上陣馬數量不少,小妹今日揀咗三匹梁國浩馬房既參戰馬畀大家參考,啱心水可跟進。

  第四場三、四班千五米,「如意寶」呢匹五歲馬上季在同程贏馬開齋,實力其實不差。可惜今季六戰祇得一季,表現較預期有落差。今日操足再上陣,重配馬雅人馬夠合拍,馬房今日布下強陣,動態絕不簡單,返回首本路程角逐擺明車馬,對手實力非強,可望打破僵局,值得捧場。

  第五場四、五班千八米,「珍珠強勁」質素新演出亦準繩,上仗在中距離採取留前鬥後跑法,結果埋門一衝即奠定勝局,表現出色。復課操練冇偷懶,試跑走勢夠勁。今日轉戰長途不會無的放矢,改由馬雅執韁戰鬥力有增無減,留放得好在此班絕對有能力殺出重圍,可放心支持。

  第六場三、四歲馬千五米,「珍珠鴻運」上陣次數不多四歲馬,上季後期一直有穩定演出。上仗休後復出,結果在短途得第四,走勢較預期理想,亦收到熱身之效。今日返回腳法較合適的中距離上陣,馬房部署明刀明槍,加上轉倉後急求交代,戰意唔使懷疑,試準出擊可望穩食尾糊,可作為重心。