捧高君濤1號馬做「騷」

279

  今晚有六場沙地賽事舉行,上陣馬數量唔多,小妹今日揀咗三匹高君濤嘅座騎畀大家參考,啱心水可玩吓過關。

  第一場四五班一三五〇米,「快樂玫瑰」呢匹馬款頭唔差,在草地賽事試準後,上次初跑沙地同程結果試出彩虹,起步後採取主動跑法,最後以輕鬆姿態贏馬,表現大把在手。復課操練正常,隻馬狀態更勇。今晚再戰贏馬路程擺明車馬,排中檔起步有助發揮,可望再下一城,值得追捧。

  第三場二三班一三五〇米,「科高騷」沙地獨沽一味,季內拼搏不多,體力應該勝對手一籌。晨課備戰工夫認真,狀態已較之前理想。今仗返回首本路程角逐,戰鬥力有增無減,高君濤不放手一定有理由,加上呢隻馬今季尚未交代,鬥志唔使懷疑,負磅不重可望打開今季勝利之門。

  第五場三四歲馬一〇五〇米,「美麗光輝」呢匹三歲馬陣上演出漸入佳境,上仗在沙地短途追入一席第二,末段走勢悅目。復課操練加強,狀態更進一步。今晚轉配高君濤加強攻力,負磅較上次減輕,面對一群實力不強對手,可望順利贏馬補中,賠率熱辣辣亦要捧場。