捧同主馬盛惠喜快「威德」

775


   今日有六場草、沙地黃昏賽事上演,戲碼精彩且形勢平均,小妹今日揀咗三匹同主馬畀大家參考,啱心水可過關捧場支持。

   第一場四五班千二米草地,「威德仁勇」呢匹馬質素新且拼搏不多,前仗在同程放出後大勝對手,表現超班。上仗轉戰沙地雖然未能再交出好成績,不過走勢唔算太差。今日重返草地短途上陣,假如場地仍偏慢,相信對佢發揮有助,高君濤唔放手一定搏到盡,起步放出可望交出好表現,不妨再追多次。

  第四場一二班千五米草地,「盛惠」呢匹灰馬鬥心頑強,季內在不同場地及路程均能交出佳績,表現大熟當打。上仗在沙地出擊惜遇上伏兵,未能增添勝仗有點可惜。復課積極操練,狀態絕對唔差。今日重返草地中距離角逐,戰鬥力有增無減,重交贏馬拍檔冼文諾執韁,鬥志唔使懷疑,留放合適可望贏馬收復失地,值得追捧。

  第五場二三歲馬一三五〇米沙地,「喜快」三歲精英季內戰績突出,季內暫取得五勝,相信成就可更進一步。上仗與強手對壘雖然落敗,但馬匹在末段追回不少失地。復課準備工夫一絲不苟,試跑走勢夠晒勁,狀態可謂無懈可擊。今日與一眾同齡對手角逐,形勢佔到上風,史偉恩操刀人馬合拍,跟守中間位置角逐,直路上可望將對手一網打盡,可放心捧場。