入場捧馬雅首口孖寶

428

  今日有三場草地及三場沙地賽事舉行,戲碼唔算太差,小妹今日揀咗馬雅三匹座騎畀大家參考,啱心水可玩吓過關。

  第一場六班千五米,「珍珠強勁」呢匹馬質素新,現時評分不足反映其真正實力。上仗馬房此駒在長途搏殺,騎者沿途發揮小心翼翼,以為可以贏馬之際,最後一百米被對手後上擊敗,屈居亞軍相當可惜。復課操練工夫認真,隻馬狀態更勇。今日重返季內亦曾取得名次的中距離角逐,發揮或更合適,呢件綵衣的馬匹上賽威到盡,今日乘勢出擊,可望贏馬收復失地,值得捧場。

  第二場四五班千二米,「恒力」過往在沙地賽事發展,表現亦算唔錯。今季馬房讓呢匹馬作更多嘗試,結果季內在草地短途輕鬆擊敗對手報捷,可見實力並不局限在沙地賽事。上仗在中距離賽事雖敗,但走勢不脫節。復課積極打磨,狀態不弱。今日返回短途角逐有根據,馬雅唔肯放手一定有其原因,留前鬥後可望交出凌厲後勁將對手擊退,值得贏位兼投。

  第六場三四班一五一〇米,「奇正相生」呢匹馬場地適應範圍廣泛,不過本身就較為尺寸,頗講究留放及發力位。今日轉戰沙地中距離,翻看賽績原來上季曾在同程贏馬,而當時鞍上人就係馬雅,所以今日人馬重逢,再爭呢個路程絕對係精心安排,上陣馬不多場合,對呢匹馬演出應有幫助,尾場均勢場合,小妹都係用佢做重心較為放心。