曾寶珠提供

326

  今日有六場草地賽事舉行,戲碼緊湊,不過場地狀況臨場值得留意,小妹今日揀咗三匹冼文諾嘅座騎畀大家參考,希望可以順利過關。

  第三場四歲馬千五米,「珍珠勁旺」呢匹四歲馬潛質豐厚,上仗在四歲精英賽事輕取對手,勝來大把在手。晨課一直操而不賽,主要係練者一早鎖定今日呢場賽事係主要目標,唔想隻馬消耗過多體力,部署可以話明刀明槍。今日特邀冼文諾回來執韁,更反映出志在必得決心,平磅角逐形勢佔優,如場地唔係大爛地,以其實力應可再下一城,可放心追捧。

  第四場二班千二米,「加洲之寶」呢匹馬上季在短途取得理想成績,不過就換來大幅加分。今季馬匹表現未能再進,相信與評分高企有關。今日角逐二班賽事,馬匹評分已調整至上季贏馬時水平,交由冼文諾策騎,難得場地偏慢兼有內檔幫助,爭勝機會大大提高,順利放出可望取得今季首場勝仗,不妨支持。

  第五場二三班千八米,「如意寶」四歲馬台型唔差,上次在草地中距離試準搏殺,結果以凌厲後勁力壓對手贏馬,表現拍爛手掌。復課準備工夫冇鬆懈,馬匹試跑走勢出色,狀態冇得彈。呢匹馬來澳前曾在長途賽事上名,所以今日報跑呢個路程,絕對唔係冇根據,用到冼文諾打硬仗,留放得好可望在今場賽事再下一城,值得贏位兼投。