曾寶珠提供

579

  今日有4場草地及兩場沙地賽事舉行,場地情況最值得留意,小妹今日揀咗恩利克3匹座騎畀大家參考,希望可以順利過關。

  第二場二班千二米,「加洲之寶」呢匹馬上季在草地短途表現出色,不過評分增加後,今季亦需要時間去消化。上次人馬首度合作,竟然在中距離拼入一席第二,表現刮目相看。今日返回首本路程上陣,戰鬥力提升不少,場地淋淋哋啱晒呢隻馬發揮,路合排檔理想,可望贏馬收復失地,值得捧場。

   第五場六班一三五0米,「金鞍」沙地性能甚佳,近仗陣上表現令捧場客較失望,不過評分亦調整了。賽前準備工夫做足,狀態已有起色。今日換上恩利克策騎,戰意方面唔使懷疑,馬房向來部署明刀明槍,出戰合適路程一定搏盡,對手實力唔算強,半冷門值得贏位兼投。

  第六場二三班一三五0米,「興雷」質新馬仍有進步空間,上仗在沙地短途跑第三,不敵兩匹沙地短途好手雖敗猶榮。復課操練夠晒勤力,狀態較上次有進。今日增程角逐腳法更合適,呢件綵衣有一段時間未威過,難得今日有機會爭勝,鬥志百分百可信賴,馬房要交代唔會三心兩意,尾場賽事可放心捧場。