曾寶珠提供

808

  今日係本地賽馬大日子,除重頭戲澳港盃外,另外六場賽事亦相當精彩,小妹揀選咗三匹實力馬畀各位參考,希望可以順利過關,啱心水不妨跟進。

  第二場一、二班千五米草地

  「聖靈之都」呢匹四歲馬係馬主揀手貨,來澳前已隸屬現馬主名下。在澳初出一役勝來盡顯潛力,上仗初戰中距離採取主動跑法,結果輕鬆贏馬,所造時間已證明屬高班材料。晨課準備工夫做足,狀態勇得交關。今日再戰贏馬路程腳法合適,台前幕後戰意如虹,起步順利可望再下一城,值得捧場。

  第五場一級賽千二米草地

  「喜快」呢匹馬上季表現出色,不過開季後表現未能再進一步,幸好上仗在同程交回水準演出,馬匹在最後二百米交出凌厲後勁將對手擊敗,表現回勇。復課操練正常,馬匹狀態甚勇。今日原裝配搭再來,出爭贏馬路程正合發揮,排一檔起步可謂如虎添翼,留前鬥後可望順利連捷,不妨贏位兼投。

  第七場三級賽千六米沙地

  「馳飊」沙地實力唔使懷疑,今季上陣次數唔多,三仗取得一冠兩亞成績,表現準繩。晨操練積極,馬匹試跑走勢急勁,狀態突出。今日出爭中距離亦合其腳法,馬雅唔放手一定有原因,對手實力不算太強,負一百三十磅壓力不大,尾場賽事可作為重心捧場。