曾寶珠提供

361

  今日有四場草地及兩場沙地賽事舉行,戲碼唔算太強,小妹今日揀咗三匹熱門實力馬畀大家參考,希望可以順利過關。

  第二場三四班千二米,「唯美創意」呢匹馬上次換人出戰結果贏得輕鬆,可見之前一仗賽後重罰騎師係有原因。復課隻馬狀態依然勇猛,試跑走勢夠勁。今日仍跑三四班混合賽,形勢佔優,馬雅唔放手一定心中有數,跑回上次之水準,在此場賽事可望再捷,不妨放心追捧。

  第三場二三歲馬千五米,「喜快」三歲精英今季演出無懈可擊,上次在同程留往衝一段表現出色,末段輕易將對手擊敗,走勢起碼超出對手一個班次。今日面對同場全是三歲同齡馬匹,未跑已經贏了形勢,負磅較上次輕兩磅,如無太大意外,呢場頭馬應可輕易到手,捧其獨贏已經足夠。

  第五場一二班一0五0米,「豐收寶」沙地性能出色,在澳三戰同程均以高速取勝,證明實力尚未見底。復課操練工夫正常,狀態大勇。今日出爭首本路程,排二檔起步形勢有利,韋爾納與此駒合作愉快,發揮方面不成問題,順利放出可望保持不敗,值得捧場。