曾寶珠提供

5998

  今晚有六場沙地賽事舉行,戲碼唔算太差,小妹今晚睇好譚文就馬房既參戰馬,揀選三匹畀大家參考,啱心水可以玩吓過關。

  第一場四、五、六班一0五0米,「美麗光輝」呢匹四歲馬來澳後以沙地表現最突出,上仗在同程起票搏殺,埋門衝刺凌厲,跑回一席第二表現甚佳。今晚匆匆再上征途,馬房即找到重返本地客串的冼文諾助陣,可見決心甚大,角逐呢個評分區域賽事絕不吃虧,試準再來可望贏馬交代,值得捧場。

  第三場一、二班一0五0米,「豐收寶」短途快馬上季在沙地短途取得四勝,實力方面唔使懷疑。今季兩戰同程得一亞一季,表現拾級而上。晨課備戰功夫認真,狀態方面絕冇問題。今晚出爭首本路程,負輕磅角逐兼排三檔起步,形勢相當有利,以其銳利速度早段可望佔得先機,應可贏馬交代,可放心支持。

  第五場三、四班一五一0米,「大玩意」呢匹灰馬體重雖然唔夠一千磅,不過其陣上表現就極具鬥心。上仗在同程末段一衝即拋離對手贏馬,季內三戰得兩冠一亞,表現準繩。今晚操足再上征途,角逐三、四班混合賽形勢不吃虧,馬雅不放手一定有理由,出戰首本路程一定盡拼,排檔有利跑法上可更靈活,可望順利取得季內第三場勝仗,一於用佢做膽。