曾寶珠提供

131

  今晚有六場沙地賽事舉行,形勢較平均,小妹今晚睇好譚文就馬房交畀馬雅搏殺的三駒,啱心水可玩吓過關。

  第一場四班一三五O米

  「寶勝利」呢匹四歲馬過往表現唔算穩定,不過自譚廄接手訓練後,演出漸入佳境。上仗在同程以輕鬆姿態贏馬,打破缺口表現有餘未盡。復課操練正常,馬匹狀態仍然見勇,今晚再戰贏馬路程擺明車馬,對手實力唔算強,可望再下一城,值得捧場。

  第二場六班一O五O米

  「開心知己」沙地性能較佳,處身六班實力雖非超卓,不過始終佔到優勢。晨課操練正常,狀態保持水準。今晚角逐短途雖非最首本,但環顧同場對手,實力相當參差,祇要起步順利跟出,以其較佳場地適應力,應可將對手一網打盡,配搭完整可放心支持。

  第三場二班一O五O米

  「寶寶傳奇」呢匹馬質素未見底,上仗在沙地一三五0米起步唔算快,不過到了中段馬匹自動湧前,結果直路上帶離對手,輕鬆贏馬而回,表現超級。復課操練認真,勝後馬匹狀態更勇銳。今晚返回上季贏馬的短途角逐,腳法合適唔會嫌短,騎練殺得性起,呢類質新分子一定會拼盡爭取佳績,連捷呼聲高唱入雲。