曾寶珠提供

334

  今日有六場草地賽事舉行,形勢平均充滿暗湧。小妹今日睇好高君濤三匹座騎,希望可以取得好成績,值得跟進。

  第一場五、六班千五米,「套路專家」呢匹五歲馬較為遲熟,上季最後四仗取得兩冠兩亞佳績,而開鑼戰角逐同程配上新騎師鮑羅素,可惜前段處於較後位置,加上途中騎者跌了馬鞭,最後以凌厲走勢跑回一席第四,表現悅目。今日重配贏馬拍檔操刀,戰意唔使懷疑,排四檔起步形勢有助,跟前鬥後可望贏馬收復失地。

  第二場四、五班千二米,「康泰如意」質新進步,上季最後一戰角逐沙地落敗,馬房測試馬匹性能及長力,已收到一定效果。晨課重新打磨,試跑走勢順暢,狀態不弱。今日重返曾贏馬的短途上陣,部署擺明車馬,高君濤唔放手一定有理由,路合檔佳可望贏馬而回,不妨贏位兼投。

  第五場三、四班千二米,「威力喜」呢匹八歲馬實力雖不復盛年,但上季轉倉後經過調養,季尾表現已有所起色。晨課操練認真,狀態保持上季尾跑第二時的水準。今日角逐首本途程,再由高君濤策騎人馬夾檔,排十檔起步對其後追跑法影響唔算太大,加上馬房鬥志鮮明,留前鬥後可望贏馬交代,值得追捧。