曾寶珠提供

405

  今日有六場草地賽事舉行,出馬踴躍形勢平均,相信賽果爆冷居多。小妹今日揀咗三匹梁國浩馬房馬匹畀大家參考,過到三關應有不錯回報,啱心水不妨跟進。

  第二場二三班千八米,「珍珠勁旺」呢匹四歲馬愈跑愈進步,季初在草地中距離以半力取勝,沿途表現完全未受考驗,評分未到飽和。晨課有正常操練,狀態勇邁。今日休後復出首戰長途千八米,馬房部署唔會亂來,亦係為下年打吡安排一試,相信必會盡拼,人馬夾檔可望取得跨季五連勝,值得支持。

  第三場一二班千二米,「靠譜少爺」呢匹馬去季在草地短途取得五捷佳績,實力方面唔使擔心。上次在同程對手突如其來,屈居第二無話可說。課操練加強,試跑走勢勁力十足,狀態甚勇。今日捲土重來雖然對手實力較強,但得一檔之助兼由顧偉樂執韁,牌面唔算吃虧,跟前鬥後可望在最後階段突圍而出,可贏位兼投。

  第六場四五六班千二米,「好運好友」質素新仍有進步空間,今季兩戰同程均能跑第二,證明其戰鬥力並不太差。晨課操練完整,狀態具作戰水準。今日負磅較上次減輕,排四檔起步合其發揮,史偉恩不放手一定有理由,處女馬未開齋鬥志十足,對手實力唔算太強,可望食出尾糊。