曾寶珠提供

344

  上次取消的賽事安排在今日進行補賽,六場草地黃昏賽事戲碼不俗,小妹重新做過功課,搵咗三匹心水介紹畀大家,不妨捧場。

  第二場四班千二米,「香港風暴」呢匹四歲馬幕後自視不低,前仗在同程角逐早段受阻,但末段走勢如狼似虎,最後只輸畀頭馬四分三馬位,表現眼前一亮。今日場地相信唔會太爛,對此駒來說會有幫助,交由卡爾德策騎配搭新鮮,有可能初合作即擦出火花,贏位兼投可望有理想回報。

  第五場二三班千二米,「壯志雄心」呢匹團體馬來澳後表現穩定,上仗跑同程採取快放戰略,結果埋門力弱得第四,走勢並不太差。復課操練認真,馬匹試跑走勢夠勁,狀態大勇。今日原裝配搭捲土重來,戰意方面唔使懷疑,馬房亦希望盡早替此匹處女馬打破悶局,對手實力唔係太強,值得捧場。

  第六場二三班千五米,「柏檔好好」三歲馬潛質甚佳,在澳上陣八次取得兩勝六位,表現準繩。晨課一直有正常操練,狀態亦理想。今日首戰中距離賽事,或者會懷疑能否可應付,但呢個馬房部署向來唔會亂嚟,排中檔起步估計會採用留前鬥後跑法,尾場賽事形勢平均,用佢作為馬膽較為穩陣,不妨支持。