曾寶珠提供

1057

  今日有六場草地黃昏賽事舉行,上陣馬數量唔算多,場地實際狀況要留意。小妹今日睇好高君濤嘅座騎,介紹三匹畀大家參考,可用嚟過關玩吓。

  第三場一二班千五米,「皇庭之寶」呢匹五歲馬近況夠勇,上仗在同程後上力壓對手贏馬,取得季內第三場勝仗,表現精彩。復課操練正常,狀態更進一步。今日角逐首本途程,馬房爭冠路上不容有失,高君濤與此駒特別合拍,留前鬥後可望再將對手擊敗,半冷門值得贏位兼投。

  第四場二班千八米,「金威得寶」七歲馬場地性能廣泛,季內經過一輪減分後,上仗角逐同程成為半冷門,結果馬匹在直路上愈衝愈勁,輕取對手三個身位贏馬,表現出色。晨課積極打磨,狀態未有低落。今日場地可能仍偏慢,對其發揮會有幫助,採取留前鬥後最佳跑法,可望再一次創造奇蹟,不妨追捧多次。

  第六場三四班千二米,「凱旋」質新分子台型唔差,上仗重返沙地短途作賽得第三,馬匹表現保持水準。晨課重新備戰,狀態有一定進展。今日轉爭草地短途性能合適,馬房為其配上眼罩角逐,目的希望呢隻馬跑來可以更集中,既然動態積極,戰意一定唔使懷疑,尾場賽事可望在亂軍中突圍而出,值得一敲。