曾寶珠提供

1104

  今日仍有六場草地賽事舉行,場地實際狀況臨場宜留意。小妹今日揀咗練馬師錢健明與見習騎師張志立三匹師徒合作馬畀大家參考,啱心水可過關玩吓。

  第二場二、三、四歲馬千二米,「鼎豐」呢匹四歲馬上陣次數唔算多,季中曾因健康問題停課,之後復操狀態逐漸回起。上仗在中距離路程後上得第三,走勢有回勇跡象。晨課操練正常,今日重返季內贏馬途程角逐,馬房部署明刀明槍,張志立試準再來,跟前鬥後可望順利贏馬補中,值得捧場。

  第五場三、四班千八米,「如意飛駒」四歲馬陣上演出穩定,上仗由長途縮程角逐中距離,結果後上輕易將對手擊敗,表現勇進。復操準備功夫認真,勝後狀態更勇。今日返回長途角逐有根據,角逐三、四班混合形勢不吃虧,原裝配搭負磅較上仗減輕,留放得好可望再下一城,不妨追捧多次。

  第六場二、三班千五米,「創新福友」呢匹馬自從更改馬名後,陣上演出可謂脫胎換骨。上仗在同程跟前鬥後輕鬆贏馬,取得季內第三場頭馬,表現大把在手。復課操練正常,勝後狀態未有變樣。今仗雖改用見習生操刀,但相信騎者可以勝任,大熟分子升班作賽料阻力唔會太大,只要能鎮定從事,可望在亂軍中脫穎而出,尾場賽事不妨倚重。