曾寶珠提供

326

  今日有六場沙地賽事舉行,上陣馬數量唔算太多,小妹今日揀咗三匹2號馬畀大家參考,啱心水不妨跟進。

第二場四五班一五一〇米,「福嘉威」呢匹馬近況大勇,最近在同程兩捷贏得輕鬆,採取中段發力跑法令到對手無招架之力,可見沙地性能甚佳。復課操練積極,馬匹試跑走勢爽勁,狀態勇銳。今日留待首本路程才報名上陣,馬房部署用心良苦,顧偉樂停賽復出鬥志十足,可望完成三連捷。

第四場二三班一〇五〇米,「科高騷」呢匹馬沙地性能優越,同程過程三戰三勝,可見其短途實力突出。上仗在較長路程拼至埋門始敗,今日操足再上征途,史偉恩連課摸實,重視程度唔使多講,今日出戰首本路程擺明車馬,遇上一群實力平平對手,起步順利對手要與其抗衡絕不容易,可放心支持。

第五場二班一〇五〇米,「威力祺」沙地性能遠勝草地,上仗在同程不敵強手得第二,人馬表現保持水準。復課操練正常,試跑走勢有力,狀態大勇。今日出爭首本路程決心求勝,馬房季內成績優異,加上呢件綵衣向來冷熱照拼,出馬不多場合,可望憑後勁壓倒對手,不妨贏位兼投。