曾寶珠提供

518

  今日有六場草地黃昏賽事舉行,場地實際情況要留意。小妹今日揀咗史偉恩三匹座騎畀大家參考,啱心水可以跟進。

  第二場六班千二米,「達輝勇士」呢匹馬季內成熟進步,表現亦漸入佳境。上仗在草地中距離大勝對手,贏馬開齋表現大把在手。復課操練依然積極,狀態仍勇。今日縮程角逐亦合腳法,場地偏慢對呢匹馬有幫助,史偉恩熟手操刀,祇要前段唔落後太遠,以其後勁可望在最後階段反先對手,寶尾唔怕再追。

  第四場二班千二米,「京師鏢頭」短途實力甚強,近期演出已回復水準。上仗在同程雖然未能取得三連勝,不過走勢絕對唔差,落敗不足為據。復課重新備戰,試跑走勢夠勁,狀態理想。今日出戰首本路程,史偉恩唔放手一定有計,排內檔起步形勢佔優,起步搶出有力帶離對手贏馬,可放心支持。

  第六場三四班千八米,「幸運金朝」呢匹六歲馬隨年齡增長,性能方面亦作出改變,季內轉戰長途取得不俗成績,證明馬房部署方向正確。晨課操練正常,狀態方面具作戰水準。今仗重返勝途腳法合適,馬雅停賽改用史偉恩執韁,配搭上影響唔算大,馬房目前在成績榜上有領先優勢,呢匹馬係爭取到頭馬既重要籌碼,一定搏盡唔會手軟,尾場賽事值得作為捧場重心。