曾寶珠提供

171

   今日有六場草、沙地賽事舉行,上陣馬較上次踴躍,小妹今日睇好騎師恩利克三匹座騎,希望可以順利過關。

  第三場二班千五米,「聯安神將」呢匹四歲馬型格吸引,前仗在草地短途輕鬆贏馬,已反映出實力甚強。上仗轉爭堅尼大賽,初戰中距離結果仍能交出甚高水準,力拼下不敵強手,表現出色。復操馬匹狀態更勇,今日角逐二班賽事形勢有利,試準再來相信更有把握,加上馬房鬥志十足,可望順利贏馬補中。

  第四場二三班千二米,「如詩如畫」同屬四歲新馬,外地上陣次數唔算太多,相信仍有不少進步空間。上仗轉爭草地短途表現出色,末段沿內欄推進愈衝愈勁,最終輕鬆贏馬,過程大把在手。今日做足準備再上征途,負磅較上次多六磅,而排三檔起步形勢佔優,交回上次水準應可再下一城,唔怕追捧多次。

  第六場四班一0五0米,「王者榮耀」呢匹三歲馬沙地性能優越,季內在沙地四戰得兩勝兩位,表現穩定。晨課操練認真,狀態具作戰水準。今日重返沙地作賽部署明刀明槍,雖然同場強手不少,但呢匹馬勝在穩打穩紮,出爭首本路程一定盡拼,人馬重逢亦合拍,尾場均勢場合,不妨贏位兼投以及用佢做膽來投注。