曾寶珠提供

234

  今日有六場沙地黃昏賽事舉行,戲碼唔算太差,小妹揀選三匹馬雅座騎畀各位參考,啱心水不妨跟進。

  第一場未勝出馬一三五0米,「江河孖寶」呢匹馬陣上表現穩定,不過運氣就差少少,季內取得五次第三,但始終未能入Q及贏馬。晨課操練落足心機,馬匹狀態不弱。今日換上馬雅去搏,戰鬥力提升不少,同場對手實力唔強,只要交回近仗水準,可望在此對手中突圍而出,值得捧場。

  第二場四班一0五0米,「高而靜」質素新,目前評分應該仲有不少上升空間。上仗在同程稍為留住多少角逐,結果效果更理想,末段加速即拋離對手贏馬,表現輕鬆。今日原裝配搭再來,角逐四班賽事形勢不吃虧,憑勇態支持,負磅唔重可望再下一城,不妨追捧。

  第四場二三班一五一0米,「軍事潮人」近況大勇,上仗採取積極跑法,結果輕易再下一城,人馬表現出色。復課備戰工夫冇偷懶,試閘走勢勁力十足,狀態具作戰水準。今仗角逐首本路程,馬房近期氣勢如虹,相信呢類馬一定拼盡爭勝,馬雅為人為己一定砌盡,可放心捧場。