曾寶珠提供

249

  今晚有六場沙地賽事舉行,形勢較混亂,小妹今晚睇好馬雅座騎,揀選三匹畀大家參考,希望可以順利過關。

  第一場四班一三五0米,「輕合金」呢匹五歲馬來澳後尚未贏馬,不過在沙地賽事演出較為合適,取得三亞一季成績。上仗角逐同程充當副車,結果廄侶順利取勝。復課操練積極,狀態不俗。今晚扳大頭用到馬雅搏殺,可見馬房求勝心切,均勢場合鬥志最重要,希望憑藉騎者超卓騎技,能替呢匹馬打破悶局,值得捧場。

  第四場二、三班一五一0米,「軍事潮人」沙地性能特佳,沙地賽事累積四勝七位佳績,性能獨沽一味。上仗在同程力拼得第二,表現回復水準。晨課操練加強,狀態回勇。今仗出爭首本路程,馬雅唔放手一定要拼贏為止,馬房近期攻勢再度展開,做足準備而來,戰意唔使懷疑,有力贏馬收復失地。

  第五場六班一五一0米,「如意達人」呢匹馬質素唔係超群,不過勝在跑法夠主動,兼且沙地中距離最合腳法。上仗跑短途旨在熱身,落敗不可作準。今仗重配馬雅而來,戰鬥力提升不少,人馬在上季曾合作一次即勝,可見相當合拍,今晚面對的馬匹實力唔算強,及早領放可望捷足先登,可放心支持。