曾寶珠提供

501

  恭喜發財!今日有七場沙地賀歲賽事舉行,戲碼亦算吸引,小妹祝各位財源滾滾,橫財就手。今賽揀咗三匹巴西騎師座騎畀大家參考,啱心水不妨跟進。

  第一場條件賽一0五0米,「軍事紅人」四歲馬場地及路程適應力強,上仗在草地短途遇上對手有突如其來演出,屈居亞軍相當不值。復課仍由馬雅親試,可見騎者對呢匹馬情有獨鍾,今日重返沙地短途作賽,腳法上較為合適,馬房鬥志鮮明逢出必拼,遇上一群實力較弱對手,可望贏馬打破悶局,值得捧場。

  第五場四班一0五0米,「有玩意」呢匹質新馬沙地性能突出,季內分別在沙地短途及一三五0米賽事贏馬,表現有餘未盡。上仗配上冼文諾打硬仗,可惜遇上實力較強對手,能夠跑回一席第二已有所交代。今日原裝配搭再來,鬥志方面唔使懷疑,交回上仗水準,在此組賽事有力贏馬收復失地,不妨贏位兼投。

  第七場三四班一三五0米,「飲水思源」沙地性能獨沽一味,季內在沙地短途負重贏馬,可見評分唔算吃虧。上仗用馬雅角逐二三班賽事,結果後上得第五,末段追回不少失地。今日落班角逐形勢逆轉,試準而來相信唔會保留,交由冼文諾執韁估計會有不少捧場客支持,信心方面應較上仗更強,對手不多可望順利贏馬補中。