曾寶珠提供

235

  今晚有六場草地賽事舉行,出馬較為踴躍,小妹今日揀咗三匹心水畀大家參考,希望可以順利過關,啱心水不妨捧場。

  第一場四班千二米

  「艷陽天」呢匹三歲馬早熟速高,上仗在同程採取快放戰略,結果輕易再贏一仗,表現拍爛手掌。復課操練依然積極,馬匹試跑走勢夠勁,狀態更勇。今晚角逐四班賽事形勢絕不吃虧,高君濤壓陣人馬合拍,起步順利可望再下一城,賠率雖熱但仍值得捧場。

  第三場二班千八米

  「大合金」質新分子進步良多,今季兩戰長途均以輕鬆走勢報捷,表現大把在手。復課操練認真,彈閘走勢步伐輕鬆,狀態甚勇。今晚首度出爭二班賽事,形勢未算吃虧,馬房做足準備替此駒爭取多些分數,目標係今季打吡大賽,所以出賽就一定拼盡,馬雅停賽期滿復出,鬥志格外鮮明,可放心贏位兼投。

  第五場六班千五米

  「金光燦爛」呢匹馬質素唔算突出,不過每季評分減至一定水平時,就能交出好成績,馬房亦循呢個方向作部署。上仗在同程搏殺,結果起步放出後愈走愈順,輕取對手兩個馬位,姿態有餘未盡。今晚因余健雄受傷而改用何華麟,配搭上未受影響,留在六班角逐祇較上仗多負五磅,形勢佔優,再下一城機會甚高,可放心捧場。