曾寶珠提供

469

  今日有七場草地賽事舉行,戲碼相當精彩,不過仍要留意賽日場地實際情況。小妹今日揀咗三匹騎師史偉恩座騎畀大家參考,啱心水可以跟進。

  第三場公開賽千五米,「勁威王」呢匹馬成熟進步,今季五戰取得兩勝三位佳績,路程射程範圍亦廣,由短途至長途均能勝任,屬不可多得的忠心分子。今日返回中距離應戰,雖然面對一眾強手,但馬匹演出準繩,祇要前中段唔好太落後,以其後勁可望在最後階段收復失地,大賽當前鬥志唔使懷疑,可作為捧場重心。

  第四場二三班千二米,「喜快」質新分子實力甚強,季初兩勝後,上仗轉向沙地中距離一試,基於路程及負重磅關係,結果表現較為失望。復課馬房重新調教,馬匹試跑走勢並無不妥,今日重返草地上陣,戰鬥力應提升不少,此系馬鬥志向來鮮明,錦標當前一定砌到盡,負磅減輕可望重現雄風。

  第五場四班千八米,「逸興飛揚」今季五戰表現平平,純粹與場地及路程不合有關,現時評分較上季贏馬時低,可見優勢浮現。晨課操練正常,而上仗在同程後上得第五,末段追回不少失地。今日角逐四班賽事形勢有利,假若今日臨場有雨對其幫助更大,賠率有十倍左右分頭,可贏位兼投支持。