曾寶珠提供

258

  今日有六場草沙地賽事上演,戲碼唔算太差,小妹亦做好功課,揀咗三匹草地賽心水馬畀大家參考,希望可以順利過三關。

  第一場三、四班千五米,「幸運金朝」呢匹馬最擅長跑乾快地,上季所見落腳轉慢,中長距離反而是其最佳出路。上仗在千八米不敵質新實力分子,跑回一席第二已有交代。復課重新調教,狀態明顯有進。今日重返中距離腳法合適,馬雅執韁人馬合拍,對手不多可望贏馬補中,值得捧場。

  第四場二班千五米,「皇庭之寶」上季在打吡大賽飲恨亞軍,實力之強可見一斑。今季先安排在短途賽作熱身,隻馬末段走勢凌厲,輕輕鬆鬆下跑回一席殿軍,表現矚目。今日增程角逐腳法合適得多,重投何華麟胯下人馬合拍,試準搏殺鬥志唔使懷疑,可放心支持。

  第六場四班千二米,「聯安福星」三歲馬進步空間仍有不少,上季初出一役已顯露潛質,到上仗季內初出即在草地短途輕鬆贏馬,過程未受考驗。復課操練積極,狀態更進一步。今日角逐四班賽事形勢唔吃虧,馬雅唔放手一定希望再贏一仗,路合檔佳勢可再下一城,可繼續捧場。