曾寶珠提供

115

  今日有六場草、沙地賽事舉行,形勢較為平均,小妹今日揀選何華麟三匹座騎畀大家參考,各位啱心水可跟進。

  第一場六班千五米,「金光燦爛」呢匹馬跑草地中距離特別出色,上季尾在同程以輕鬆姿態贏馬,表現大把在手。復課操練功夫依然積極,小休後馬匹神色旺盛,狀態未有低落。今日繼續跑六班賽事,形勢佔到優勢,馬房兵源不多,難得有機會爭取成績,一定同你搏到盡,頭場賽事可望先拔頭籌。

  第五場三四班一三五0米,「閃耀無限」呢匹質新分子上季在沙地表現穩定,季尾一連幾仗表現出色,相信評分尚未到頂。晨課落力備戰,狀態具作戰水準。今日重配何華麟人馬夠合拍,角逐此程腳法正宗,馬房鬥志如虹逢出必拼,雖然排外檔起步,但前中段若能切入內欄,且戰且走可望贏馬交代,不妨贏位兼投。

  第六場二班一五一0米,「金威得寶」呢匹馬沙地性能較佳,上季曾在同程贏馬,表現有根據。休後重新備戰,試閘走勢後追甚勁,狀態不弱。今日報爭中距離腳法正宗,用何華麟執韁在留放上應更有分寸,馬房出名鬥志十足,加上呢件綵衣又係戰意如虹,尾場賽事用呢隻馬做膽會較穩陣,可放心捧場。