曾寶珠提供

272

  今晚有六場草地賽事舉行,上陣馬唔算太多,小妹今日揀咗史偉恩三匹座騎畀大家參考,啱心水可以跟進。

  第三場二三班千二米,「京師鏢頭」中短途表現不俗,季內評分經過大幅調整,上仗在同程採取前領跑法,最後輕取對手而回,表現犀利。復課操練工夫正常,馬匹狀態仍然見勇。今日升班角逐形勢唔吃虧,史偉恩策騎人馬合拍,起步順利可望再下一城,寶尾不妨再追。

  第四場一二班千五米,「盛惠」呢匹高班馬季內戰績甚佳,近兩仗在草、沙地不敵強手得第二,表現保持水準。晨課備戰工夫完整,試跑走勢夠勁,狀態大勇。今日出爭首本路程,馬房部署擺明車馬,人馬合拍一定盡拼,呢件綵衣馬匹勝在戰意十足,跟前鬥後可望贏馬收復失地。

  第五場六班千二米,「達輝勇士」呢匹三歲馬季內上陣次數唔少,表現方面亦愈輸愈近。上仗角逐同程臨場賠率冷落,信心不大下最後所負不遠。今日換上大師傅執韁,戰鬥力增強不少,處女馬戰意唔使懷疑,對手實力似強非強,留前鬥後可望贏馬開齋,半冷門值得一敲。