曾寶珠提供

413

  今日繼續有六場草地賽事舉行,場地實際狀況臨場宜留意。小妹今日揀咗三匹查維斯嘅馬畀大家參考,啱心水可跟進。

  第一場二、三班千二米,「神騏隊長」呢匹質新分子台型唔錯,上仗賽前做足準備工夫才上陣,結果在客串騎師胯下跑第四,表現出不弱競爭力。復課操練加強,馬匹熱身後狀態攀升,今日返回草地短途上陣,小妹睇過資料,呢隻馬來澳前曾在短途取得兩勝一位佳績,所以今日部署係絕對正確,換上大師傅發揮會有不同,半冷門可贏位兼投。

  第三場四歲馬千五米,「聯安小子」四歲馬陣上表現穩定,上仗在打吡預賽有出色演出,末段一度出頭,可惜最後不敵有超水準演出的對手,跑入一席亞軍已甚佳。復課積極操練,馬匹狀態甚勇。今日仍由查維斯操刀,人馬合拍相信會有進一步表現交出,加上馬匹場地性能廣泛,跟前鬥後可望收復失地,值得追捧。

  第五場四班千五米,「北方傳說」呢匹八歲馬雖然兩季未勝,不過評分已調整至較低水平。上仗在同程後上得第四,末段追回不少失地,反映老馬戰鬥力並未完全退化。今日跑低半個班次雖然要負重磅,不過對手實力相對減弱,祇要留放上加多兩錢肉緊,以其後勁可望在最後直路突圍而出,加上馬匹久未贏馬交代,戰意百分百鮮明,值得追多一次。