暴風雪開竅繼續贏

1156

  今日有六場草、沙地賽事上演,參賽馬數量未算踴躍,小妹今日揀咗三匹心水勇馬畀大家參考,啱心水可玩吓贏位過關。

  第一場四、五班千二米,「暴風雪」呢匹四歲馬款頭吸引,初出一仗陣上表現已露瞄頭,評分並未反映真正實力。上仗操足再上征途,結果直路上走勢如狼似虎,末段輕鬆超越對手贏馬,表現大把在手。復課操練正常,狀態更勇。今日續角逐四、五班混合賽,形勢佔優,張志立壓陣負磅減輕,留放得宜可望順利再捷,值得捧場。

  第四場三班千五米,「輝煌昇」中距離實力唔使懷疑,近期陣上走勢開始回勇,上仗同程後追得第三,末段收復不少失地。復課積極打磨,試跑走勢理想,狀態甚佳。今日繼續由高君濤策騎,騎者唔肯放手一定有理由,同場對手實力非強,祇要前中段唔好太落後,以其後勁可望在末段一衝反勝,贏位兼投可望有所收穫。

  第六場三、四歲馬一〇五〇米,「俊星威威」三歲馬前速銳利,在澳初出一役已有心搏殺,不過最後不敵對手屈居第二。上仗做足功夫再出擊,可惜轉入最後直路不久受阻要勒避,結果三甲不入捧場客更為失望。復課操練積極,狀態並無問題。今日轉去沙地短途謀求出路,以其課試閘走勢估計,相信適應方面並沒有問題,易配恩利克決心交代,雖然賠率都會較熱,但對手不多可望勝回一仗再作部署,可心捧場。