搏高君濤秋雲執到「寶」

230

  今日有四場草地及兩場沙地賽事舉行,戲碼唔算太差,小妹今日揀咗三匹高君濤嘅座騎畀大家參考,賠率唔會太乏味,啱心水不妨跟進。

  第三場三四班千二米草地,「金寶馬」四歲馬質素新,來澳後演出仗比仗好,上次在沙地賽事入位,表現漸及水準。復課積極打操練,試跑走勢出色,狀態夠勇。今日重返草地短途腳法合適,用到高君濤執韁決心搏殺,馬房鬥志如虹,跟前鬥後可望突圍而出,不妨贏位兼投。

  第四場公開賽千八米草地,「秋雲」呢匹馬台型甚吸引,上仗初出角逐沙地一三五〇米,臨場票數硬朗,反映幕後信心十足,結果馬匹全程走勢輕鬆,最後輕取對手贏馬,表現突出。復操準備工夫認真,試閘走勢後上強勁,狀態大勇。今日轉戰草地長途可能大家未必有信心捧場,不過小妹認為呢匹馬草地一樣可勝任,只要騎者留放適宜,相信亦可交出好表現,賠率火燒都唔會熱,最適合以小搏大。

  第五場四班一五一〇米沙地,「騰運飛駒」呢隻馬沙地性能不弱,今季三戰沙地均能入位,表現穩定。晨課積極備戰,試跑走勢有力,狀態甚佳。今日出爭沙地中距離,表現方面有根據,高君濤唔放手一定有理由,加上馬房戰意凸出,上陣馬一定砌盡,對手實力似強非強,交回季內水準可望脫穎而出,不妨追捧。