今日有八場沙、草地賽事上演，參戰馬數量唔算太多，據氣象局預計賽日會有雨，草地跑道實際狀況宜留意。小妹今日揀咗巴西好手馬雅三匹坐騎畀大家參考，希望可以順利過關，啱心水不妨跟進。
第四場四班千二米，「必勝之選」呢匹六歲馬短途實力有根據，季初上陣一仗後即休養生息，顯然是健康曾出現問題。上仗休後復出狀態未回復十足水準，結果在同程跑入一席第五，表現不差。復課操練正常，狀態有進。今日加強攻力用馬雅操刀，搏殺決心明顯，出戰首本路程擺明車馬，對手實力不強，跟前鬥後可望贏馬交代，值得捧場。
第五場一、二班千二米，「夠響贏瑪」短途好手去季戰績突出，取得六冠五亞佳績，表現大熟大勇。此駒今季演出延續氣勢，四戰取得兩冠一亞，上仗表現雖然失望，但復課重新備戰，試跑走勢順暢，狀態甚勇。今仗返回草地短途角逐較合發揮，續由馬雅執韁人馬夾檔，排一檔起步形勢有利，順利放出可望重開勝利之門，不妨跟進多次。
第八場四班千八米，「美麗動人」質新分子來澳前表現穩定，而今季陣上表現亦佳，五戰取得三季一殿及一次第五，相信居於四班佔一定優勢。上仗角逐中距離搏殺失手得第四，復課重新調教，試跑走勢急勁，狀態突出。今日再度報跑長途性能合適，馬雅繼續效力一定拼盡，試準而來戰意不用懷疑，留放得宜可望贏馬而回，可放心支持。