捧黎昌全座騎發「達」

283

  今日有六場草、沙地黃昏賽事舉行,上陣馬數量唔算太少。小妹今日推介三匹騎師黎昌全嘅座騎畀大家參考,順利過關回報亦唔差。

  第一場三、四歲馬千二米草地,「速遞良駒」呢匹三歲馬早熟速高,晨課操練功夫認真,上周二沙地試閘,與高班馬鬥足全程未處下風,可見實力唔簡單。今日初出有備而來,黎昌全晨課落足心機操練,面對一群實力參差對手,祇要交回試閘時的表現,相信可初出一鳴驚人,頭場賽事值得優先考慮。

  第二場四五班一三五〇米沙地,「百達時」呢匹沙地馬過往唔容易出頭,不過近兩仗由黎昌全接手後,表現可謂脫胎換骨,兩仗贏馬過程似難實易,表現眼前一亮。今日雖然排外檔起步,但對於此匹跑法較靈活的馬來說,影響唔會太大,祇要前中段能跟守在前列位置,末段又可施展追勁與對手一較高下,半冷門更有敲取價值。

   第四場二三班一三五〇米沙地,「長城」六歲馬在澳拼搏唔係太多,本身若非健康曾出現過問題,相信早已有所交代。上仗角逐沙地中距離採用主動跑法,轉入最後直路前發力,結果末段將對手拋離,以七個多馬位距離大勝對手,表現誇張。今日續由黎昌合執韁,人馬合拍程度唔使懷疑,縮程角逐對呢匹馬發揮影響不大,交回上仗水準,可望再下一城,唔怕再追多次。