捧高君濤有美麗人生

1532

  今日有六場草地賽事上演,參賽馬數量唔算踴躍,形勢暗湧重重,選馬宜小心推敲,小妹今日睇好高君濤既參戰馬,介紹三匹俾大家參考,希望可以順利過關。

  第一場三、四歲馬千二米,「多臣」呢匹三歲馬台型不俗,初出一仗已能交出好走勢,可惜之後兩仗表現不進反退,主要原因與馬匹起步較慢有關。晨課馬房手足落足心機調教,試跑走勢亦較前進步。今日換上高君濤而來,搏殺決心唔使多講,馬房最近成績平平,正需要用頭馬來打破僵局,祇要今次起步順利,以其實力可望贏馬交代,值得捧場。

  第二場五、六班千八米,「婦好將軍」呢匹馬體重長期在一千磅以下,今季成熟方面已大有改善,最近陣上表現亦保持穩定,雖然未能取得頭馬,但走勢卻極具競爭能力。復課準備工夫正常,埋門試跑走勢順暢,狀態不弱。今日馬房扳到大頭用高君濤策騎,目的無非都係希望能夠盡快贏馬交代,鬥志方面不用懷疑,同場對手實力甚弱,留放得宜應可順利打開勝利之門,可作為捧場重心。

  第四場四班千二米,「美麗人生」質新分子早熟擅戰,季內在同程表現穩定,直至上仗初配高君濤出擊,結果在處女馬賽事以短距離氣走對手贏馬開齋,表現出色。復課準備工夫未放緩,試跑走勢急勁,狀態大勇。今仗角逐四班賽事形勢不吃虧,原裝配搭再來擺明再拼,同場對手實力並非太強,交回近仗水準可望再下一城,值得贏位兼投。