捧高君濤三駒識飛

306

  今晚有五場沙地賽事上演,上陣馬數量尚算踴躍,小妹今晚揀選騎師高君濤三匹座騎畀大家參考,希望可以順利過關,啱心水可以跟進。

  第二場四班一五一〇米,「江河神獸」呢匹三歲馬沙地性能特佳且早熟,季內在沙地上陣四次得一勝三位,表現穩定。上仗以半馬位不敵對手屈居第二,表現水準甚高。今晚換上高君濤而來,搏殺決心昭然若揭,同程曾以短距離僅敗,可見中距離腳法亦合適,排檔理想可望一放到底,值得追捧。

  第四場三班一三五〇米,「峰飛騰」質新分子上陣次數頻繁,評分方面已調整至合理水平。上仗在沙地中距離不敵強手得第二,表現回勇。復課積極打磨,埋門試跑走勢急勁,狀態不弱。今晚重投贏馬拍檔高君濤,可見馬房決心求交代,同程過往表現不俗,上陣馬不多場合排外檔影響不會太大,跑法靈活分子可望贏馬收復失地,不妨贏位兼投。

  第五場三、四班一〇五〇米,「拳王」呢匹六歲馬短途實力有根據,季內四戰同程取得兩亞兩季佳績,表現準繩。復課積極備戰,試跑走勢順暢,狀態有起色。今仗重返沙地短途角逐擺明車馬,重召高君濤決心打硬仗,戰意唔使懷疑,尾場賽事形勢緊湊,信賴騎者鬥志,一於用佢作為捧場重心,可放心捧場。