捧高「君」濤今晚稱「皇」

214

   今晚有六場草、沙地賽事上演,上陣馬數量唔少,形勢較為平均,小妹今晚睇好高君濤沙地嘅座騎,介紹三匹畀大家參考,希望可以順利過關。

  第二場未勝出馬一三五0米,「君臨千里」呢匹四歲馬外地沒有出賽經驗,來澳後備戰功夫完整,試閘走勢腳法夠勁,狀態已達作戰水準。今晚初出即配上高君濤打硬仗,可見新馬房作風鮮明,希望能盡快贏馬打破悶局,同場對手實力唔算突出,起步順利可望贏馬開齋,值得捧場。

  第三場一、二班一0五0米,「勝利皇星」呢匹馬場地適應力強且演出準繩,上仗在沙地一三五0米不敵強手得第四,表現已交回應有水準。復課重新打磨,試跑走勢順暢,狀態大勇。今晚返回短途角逐腳法合適,高君濤執韁擺明車馬,跟前鬥後可望將手一網打盡,縱負重磅亦要捧吓場,不妨留意。

  第五場三、四班一三五0米,「如意快駒」呢匹六歲馬季內進步明顯,近三仗沙地取得一勝兩位佳績,表現穩定。最近此駒因練者停賽,暫時轉由賀廄接手訓練,操練上並未受到影響,馬匹試跑走勢急勁,狀態出色。今仗用高君濤執韁擺明車馬,重返此程腳法合適,排五檔起步有助其前領跑法,不妨贏位兼投。