捧馬雅頭尾場初出馬

306

   今晚有六場沙地賽事舉行,戲碼唔係太差,小妹揀咗三匹心水馬畀大家參考,希望會有好表現,啱心水不妨跟進。

  第一場未勝出馬一〇五〇米,「高而靜」三歲馬初出自購新馬,來澳後操練夠晒積極,試閘走勢腳法純熟,狀態已具作戰水準。今晚用馬雅打硬仗,面對一群實力唔算強的對手,應該會有好表現交出,唔嫌賠率乏味,可作為過關馬膽。

  第五場二三班一三五〇米,「金生麗水」呢匹四歲馬季內演出穩定,近五戰同程取得一冠兩亞一季一殿佳績,表現愈戰愈勇。晨課操練工夫認真,試跑走勢勁力十足,狀態大勇。今晚換上卡爾德策騎,戰鬥力進一步提升,出爭首本路程擺明車馬,跟前鬥後可望贏馬而回,值得追捧。

  第六場三四班一〇五〇米,「夢想家」三歲自購馬外地三戰均取入位,表現準繩可靠。來澳後操練工夫有序,試閘走勢節節領先,馬匹鬥志頑強。今晚初出即用到馬雅執韁,搏殺之心昭然若揭,馬房出名鬥志鮮明,加上呢匹係團體馬,最緊要贏馬而一班團體成員在凱旋門拍照威威,戰意唔使擔心,尾場賽事一於用佢做膽搵食。